Qax Tarix-Diyarşünaslıq muzeyi rayonun daşınar tarixi abidələri, elmi təbiət kolleksiyalarını və bədii kolleksiyaları müəyyən coğrafi və inzibati əraziyə aid xalq sənəti nümunələrini toplayan, mühafizə edən elmi tədqiqat və mədəni-maarif müəssisəsidir.
Qax Tarix-Diyarşünaslıq muze
yi 1981-ci ilin avqust ayından XIX əsrə aid, şəhərin mərkizində yerləşən Allahverdi kilsə binasında fəaliyyətə başlamışdır. 1991- ci ilin iyun ayından muzey onun üçün qismən uyğunlaşdırılmış yeni tipli binaya köçürülmüşdür. Bu günə qədər muzey özünün zəngin fondunu yaratmışdır. Muzeydə Qax rayonunun 670 000 illik tarixindən soraq verən 11500-dək tarixi və elmi əhəmiyyətə malik əşya mühafizə, tədqiq və təbliğ olunur. Qax Tarix-Diyarşünaslıq muzeyi profilinə görə kompleks profilli muzeylər növünə aiddir və Azərbaycan tarix elminin xəzinəsini özündə qoruyaraq yaşadır.
VIII zaldan ibarət IX salon üzrə yerləşdirilmiş muzey ekspozisiyası ilə hər il minlərlə tamaşaçı yaxından tanış olur.Milli-mənəvi dəyərlərin təbliği məqsədilə muzey əməkdaşları tərəfindən davamlı olaraq arxeoloji və etnoqrafik kolleksiyalar əsasında stasionar və səyyar sərgilər təşkil olunur.
